Romantic I Miss You Quotes and Messages – I Miss You So Much!

பற்றி எரியுதடி நெஞ்சம் இங்கே,

உன்னாலும், உன் நினைவாலும்,

நீ அன்புப் போர்வை தரித்தால்,

என்னை இறுக அணைத்தால்,

கொழுந்துவிட்டெரியும் தீ,

இங்கிருந்து எழுந்து ஓடாதா?.

நினைவுகளில் மிதந்தும், கனவுகளில் கலந்தும்,

என் ரணங்களிலும், நற் கணங்களிலும்,

கூடவே என்னோடு சேர்ந்து வருகிறாய்,

நீ விலகிச் சென்ற போது,

விலாசம் அறியாமல் என்னை தவிக்க விட்டாய்..!

உனக்காக நானிருக்கின்றேன், என்ற உன் வார்த்தையே,

நீயில்ல நேரங்களிலும் வாழ்க்கையை,

ரசிக்க வைத்துக்கொண்டிருக்கு.!

உன் நினைவுகளோடு சேர்த்து,

என் கண்ணீரையும் நான் தினம், தினம் சுமக்கிறேன்,

உன்னை காதலித்த காரணத்தால்..!

பிரிந்த பல காதல்கள் இன்றும்,

இறக்காமல் வாழ்ந்துகொண்டு தான் இருக்கிறது,

அவரவர் பிள்ளைகளின் பெயரில்..!

நம் பிரிவிற்கு பின் எத்தனையோ கவிதைகளை நான் எழுதிவிட்டேன்..! 

ஆனால் அதில் ஒன்று கூட உன் சாயல் இல்லாமல் இருந்ததில்லை.

உளியின் வேகத்தையும், அது ஏற்படுத்தும் காயத்தையும்,

தாங்கிக்கொள்ளும் பாறைதான் ஒரு சிற்பமாக உருமாறும்..!

நான் பாறையாக இருந்திருந்தால்,

நீ ஏற்படுத்திய காயத்திற்கு,

நான் சிற்பமாக உருமாறி இருப்பேன்.!

நானும், என் இதயமும் பாறை இல்லையடி, மனிதபிறவி!

அதனாலதான் என்னவோ,

மெழுகாய் உருகிக்கொண்டு இருக்கிறேன். 

உன் பிரிவை நினைத்து...!

உன்னை காண துடிக்கும் என் கண்களை, 

காலை வரை பொறுத்திருக்க கெஞ்சுகிறேன்..!

உன் நினைவோடு கொஞ்சி விளையாடும் என் மனதை, 

விடியல் வரை அமைதிகாக்க வேண்டுகிறேன்..!